بلوچستان کے عوام مشکل کی گھڑی میں نواز شریف کیساتھ ہیں، نواب ثناء زہری

بلوچستان کے عوام مشکل کی گھڑی میں نواز شریف کیساتھ ہیں، نواب ثناء زہری

• September 13, 2018, 11:01 pm
• National News
• 156 Views

لندن+کوئٹہ ( آئی این پی )پاکستان مسلم لیگ (ن )کے مرکزی رہنما ء وسابق وزیر اعلیٰ بلوچستان نواب ثنااللہ خان زہری نے لندن میں حسین نواز سے ملاقات کی اور ان کی والدہ بیگم کلثوم نواز کے انتقال پر افسوس کا اظہار کیا۔اس موقع پر ان کا کہنا تھا کہ بیگم کلثوم نواز نے جمہوریت کے فروغ میں انتہائی اہم کردار ادا کیا وہ پارٹی کی ہر مشکل گھڑی میں قائد میاں نواز شریف کے ساتھ کھڑی رہیں،وہ حقیقت میں ایک مضبوط اعصاب کی مالک خاتون تھیں، پاکستان اور مسلم لیگ ن کیلئے بیگم کلثوم نواز کی جدوجہد کسی سے پوشیدہ نہیں اورجمہوریت کے لیے ان کا کردار کسی طور فراموش نہیں کیا جا سکے گا۔اس موقعہ پر انھوں نیسابق وزیر اعظم میاں نواز شریف کے صاحبزادے حسین نواز کو صبر کی تلقین کرتے ہوئے کہا کہ وہ اور بلوچستان کی عوام مشکل کی اس گھڑی میں شریف خاندان کے ساتھ ہیں۔