ورلڈ کپ 2019 کیلیے پاکستانی اسکواڈ کا اعلان آج ہوگا

ورلڈ کپ 2019 کیلیے پاکستانی اسکواڈ کا اعلان آج ہوگا

• April 18, 2019, 2:25 pm
• Sports News
• 197 Views

لاہور : ورلڈکپ 2019 کے لیے پاکستانی اسکواڈ کا اعلان چیف سلیکٹر انضمام الحق آج کریں گے۔

ورلڈکپ 2019 کے لیے پاکستانی اسکواڈ کا اعلان چیف سلیکٹر انضمام الحق آج کریں گے، ذرائع کے مطابق حتمی اسکواڈ کا اعلان کرنے سے قبل چیف سلیکٹر انضمام الحق کپتان سرفراز احمد کے ساتھ ملاقات بھی کریں گے جب کہ 1 یا 2 ناموں پر مشاورت کے بعد فہرست مرتب کرلی جائے گی۔

ذرائع کے مطابق فخرزمان اور امام الحق کے نام پر اتفاق ہوچکا جبکہ تیسرے اوپنر کا فیصلہ باقی ہے، دوسری جانب اوپنر عابدعلی اور فاسٹ بولر محمد حسنین نے بھی فٹنس ٹیسٹ پاس کرکے ورلڈکپ کے ممکنہ 15 کھلاڑیوں میں جگہ بنالی ہے۔
ذرائع کے مطابق ورلڈکپ کے لیے ممکنہ 15 رکنی ٹیم میں صرف ایک وکٹ کیپر سرفراز احمد کو ہی رکھاگیاہے، تیار کی جانے والی 17 رکنی فہرست میں فخر زمان، امام الحق، عابد علی، بابر اعظم، شعیب ملک، حارث سہیل، شاداب خان، فہیم اشرف، حسن علی، شاہین شاہ آفریدی، محمد عامر، جنید خان، آصف علی، عماد وسیم، محمد حسنین اور محمد حفیظ شامل ہیں۔