صندل خٹک، حریم شاہ نقلی ناموں سے شہرت پا رہی ہیں

صندل خٹک، حریم شاہ نقلی ناموں سے شہرت پا رہی ہیں

• December 31, 2019, 3:40 pm
• Entertainment News
• 682 Views

پاکستان تحریک انصاف کے رہنماؤں کے خلاف سوشل میڈیا پر غیر اخلاقی پروپیگنڈا اور متنازعہ ویڈیوز وائرل کرنے والی 28 سالہ حریم شاہ کا اصل نام فضہ حسین اور اس کی 23 سالہ ساتھی دوست صندل خٹک کا اصل نام صندل شمیم ہے۔







نجی جہاز، اہم مقامات، اہم سرکاری عمارتوں اور دفاتر تک رسائی رکھنے والی یہ دونوں لڑکیاں سوشل میڈیا پر ٹِک ٹاک بنا کر شہرت حاصل کر رہی ہیں، کچھ عرصہ قبل تک تو ان کے بارے میں مختلف چہ میگوئیاں تھیں مگر اب لگتا ہے کہ آہستہ آہستہ بلی تھیلے سے باہر آ رہی ہے اور ان کے بارے میں مختلف غیر اخلاقی ویڈیوز اور تصاویر بھی سوشل میڈیا پر تیزی سے وائرل ہو رہی ہیں۔






ان کی شناختی دستاویزات بھی تیزی سے ادھر ادھر گردش کر رہی ہیں، غیرمعمولی شہرت پانے والی حریم شاہ کا اصل نام فضہ حسین ہے۔

28 دسمبر کو 28 سال کی ہونے والی فضہ حسین 28 دسمبر 1991ء میں پیدا ہوئی، ان کے والد سید ضرار حسین شاہ وفاق میں سرکاری ملازم بتائے جاتے ہیں۔

سوشل میڈیا پر وائرل ہونے والے ان کے شناختی کارڈ پر مستقل پتہ ضلع مانسہرہ تحصیل اوگی کے علاقے اڈیالہ شیرگڑھ اور گاؤں نواب شاہ ہے جبکہ موجودہ پتہ میں سیکٹر ایف الیون ٹو اسلام آباد درج ہے۔



پاکستان تحریک انصاف کی ہمدرد اس جوڑی کی دوسری رکن صندل خٹک کا اصل نام صندل شمیم ہے، 23 سالہ صندل اپنی دوست فضہ حسین سے 6 سال چھوٹی ہیں۔

5 ستمبر 1996ء کو پیدا ہونے والی صندل شمیم کے والد کا نام حضرت علی ہے اور وہ ضلع کرک کی تحصیل بانڈہ داؤد شاہ کے گاوں نری پنوس کی رہائشی ہیں اور شناختی کارڈ پر مستقل کے ساتھ یہی ان کا موجودہ پتہ درج ہے۔



فضہ حسین عرف حریم شاہ کے نام پر مختلف سیلیورر نیٹ ورک کی 6 موبائل فون سمز رجسٹرڈ ہیں جن میں یوفون کی 3، ٹیلی نور کی ایک اور جیز کی ایک سم شامل ہے جبکہ ٹیلی نار کی ایک ڈیٹا سم بھی حاصل کر رکھی ہے۔

اسی طرح صندل شمیم نے اپنے نام پر 4 موبائل فون سمز لے رکھی ہیں جن میں زونگ کی 2 سمز اور ٹیلی نور و یوفون کی ایک ایک سم شامل ہے۔