سوات: پولیس اور دہشت گردوں کے درمیان مقابلہ، 1 شدت پسند ہلاک

سوات: پولیس اور دہشت گردوں کے درمیان مقابلہ، 1 شدت پسند ہلاک

• March 18, 2020, 11:27 am
• Breaking News
• 271 Views

سوات: خیبرپختونخوا میں پولیس اور دہشت گردوں کے درمیان مقابلہ ہوا جس کے نتیجے میں ایک شدت پسند ہلاک ہوگیا۔

تفصیلات کے مطابق کے پی کے شہر سوات میں پولیس اہلکاروں سے ہونے والی جھڑپ میں 1 دہشت گرد مارا گیا۔ ڈی آئی جی محمد اعجاز کا کہنا ہے کہ پولیس نے علاقے میں سرچ آپریشن مکمل کرلیا ہے۔

متعلقہ حکام کے مطابق ہلاک دہشت گرد الطاف عرف راکٹ ٹارگٹ کلنگ میں بھی ملوث رہا تھا۔

پولیس نے جائے وقوعہ سے شواہد اکھٹے کرلیے جبکہ لاش کو بھی اپنے تحویل میں لے لیا ہے۔


خیال رہے کہ 9 مارچ کو ڈی آئی خان میں سیکیورٹی فورسز کی جانب سے خفیہ اطلاعات پر ٹانک کے قریب کارروائی کے دوران 2 انتہائی مطلوب دہشت گرد مارے گئے تھے جبکہ اس کارروائی میں کرنل مجیب الرحمان شہید ہوئے۔

قبل ازیں رواں سال جنوری کے آخر میں سیکیورٹی فورسز کی شمالی وزیرستان میں کارروائی کے دوران 5 دہشت گرد ہلاک جبکہ 2 جوان شہید ہوئے تھے۔

آئی ایس پی آر کے مطابق شہید ہونے والوں میں سپاہی محمد شمیم اور سپاہی اسد خان شامل تھے۔