کوئٹہ سمیت بلوچستان کے مختلف علاقوں اور گڈانی میں پانی کی عدم فراہمی کی وجہ سے علاقہ مکین شدید مشکلات سے دوچار

کوئٹہ سمیت بلوچستان کے مختلف علاقوں اور گڈانی میں پانی کی عدم فراہمی کی وجہ سے علاقہ مکین شدید مشکلات سے دوچار

• May 14, 2018, 5:08 pm
• National News
• 115 Views

ٍکوئٹہ (آن لائن )صوبائی دارالحکومت کوئٹہ سمیت بلوچستان کے مختلف علاقوں اور گڈانی میں پانی کی عدم فراہمی کی وجہ سے علاقہ مکین شدید مشکلات سے دوچار ہے گڈانی میں 2 ہزار روپے میں فی ٹینکر پانی خرید کر استعمال کرنے پر مجبور ہیں حکام پانی کی فراہمی کو یقینی بنائیں تفصیلات کے مطابق صوبائی دارالحکومت کوئٹہ کے علاقے شہباز ٹاؤن، اسٹیوریٹ روڈ، خلجی کالونی سمیت دیگر علاقوں میں پانی کی شدید قلات ہے شہری مہنگے داموں پرائیویٹ ٹینکروں سے پانی خرید کر استعمال کرنے پر مجبور ہے متعدد بار واسا حکام کو پانی کی عدم فراہمی کے حوالے سے آگاہ کیا گیا تا حال اس پر کوئی توجہ نہیں دی گئی اسی طرح گڈانی شہر میں گزشتہ دو ماہ سے پانی کی فراہمی معطل ہے جس کی وجہ سے لو گوں کو پینے کے صاف پانی کے ساتھ ساتھ مساجد میں نمازیوں کو وضو کے حصول میں شدید دشواری کا سامنا ہے کینال سے ٹینکروں کے ذریعے پانی کی فراہمی جاری ہے اور فی ٹینکر دو ہزار روپے میں لو گوں کو پانی فراہم کیا جا رہا ہے غریب شہری مہنگے داموں پانی خرید کر استعمال کرنے پر مجبور ہے شہریوں نے اعلیٰ حکام سے مطالبہ کیا ہے کہ پانی کی عدم فراہمی کا نوٹس لیا جائے تاکہ شہریوں کو پانی کی فراہمی یقینی بنایا جا سکے شہریوں کا کہنا ہے کہ اگر پانی کی فراہمی کو یقینی نہ بنایا گیا تو ہم قومی شاہراہو
ں کو بلاک کر کے شدید احتجاج کرینگے جس سے حالات کی تمام تر ذمہ داری متعلقہ حکام پر عائد ہو گی۔