غیرمعیاری ادویہ کا دھندہ عروج پر، معصوم شہریوں کی زندگی کو خطرات

غیرمعیاری ادویہ کا دھندہ عروج پر، معصوم شہریوں کی زندگی کو خطرات

• June 21, 2018, 10:23 am
• National News
• 69 Views

کوئٹہ(اسٹاف رپورٹر)غیرمعیاری اور زائد المیعاد ادویات کا دھندہ عروج پر معصوم شہریوں کی زندگی سے کھیلاجانے لگا تفصیلات کے مطابق عوامی و سماجی حلقوں نے متعلقہ حکام کی توجہ اس جانب مبذول کراتے ہوئے کہا ہے کہ مختلف ادویات جو غیرمعیاری اور زائد المیعاد بھی ہیں ان کا کاروبار جاری ہے انہوں نے کہاکہ اکثر ان پڑھ اور ناخواندہ افراد کو معلوم ہی نہیں ہوتا کہ وہ غیرمعیاری دوا خرید رہے ہیں اس کے علاوہ میڈیکل اسٹورز سے زائد المیعاد ادویات مفت میں یا انتہائی ارزاں قیمت پر خریدلی جاتی ہیں جنہیں نواحی اور پسماندہ علاقوںمیں اصل قیمت پر ہی فروخت کردیاجاتا ہے انہوںنے کہاکہ مشہور برانڈ کی ادویات کی نقل بھی بنائی جاتی ہے جس کی وجہ سے شہریوں کی زندگیوں کو شدید خطرات لاحق ہیں انہوں نے کہاکہ مریض بے چارے ادویات کے کورس پر کورس کرتے رہتے ہیں لیکن مرض ٹھیک نہیں ہوتا اور اکثر بیماری میں اضافہ ہوجاتا ہے غیرمعیاری اور زائد المیعاد ادویات سمگل بھی کی جاتی ہیں اور کئی گناہ منافع کمایا جاتا ہے انہوںنے کہاکہ متعلقہ حکام اس جانب فوری طورپر اس مذموم کاروبار میں شریک افراد کےخلاف کارروائی کریں اورشہریوں کی زندگیوں کو لاحق خطرات سے بچایاجائے۔ایک تحقیق کے مطابق غیر معیاری ادویات کی وجہ سےہر سال7لاکھ لوگ موت کے منہ میں چلے جاتے

ہیں ۔تمام قواعد ضوابط کے باوجود حکومت جعلی ادویات کو مارکیٹ میں آنےسے روک نہیں پاتی ، پاکستان میں ابھی تک بین الاقوامی سطح کا کوئی ڈرگ پلانٹ موجود نہیں ہے۔عطائیت اور غیرمعیاری ادویات کے خاتمہ کیلئے بلاتفریق جدوجہد کر نے کی ضرورت ہے ۔