خوشحالی امن و ترقی ہمارا نصب العین ہے ،سعید ہاشمی

خوشحالی امن و ترقی ہمارا نصب العین ہے ،سعید ہاشمی

• July 8, 2018, 10:58 pm
• National News
• 58 Views

کوئٹہ(این این آئی) بلوچستان عوامی پارٹی کے بانی اور صوبائی اسمبلی کے حلقہ پی بی 29سے امیدوارسعید احمد ہاشمی نے کہا ہے کہ ترقی و خوشحالی کے لیے سیاسی خود مختاری ضروری ہے بی اے پی کی تشکیل کے بعد بلوچستان کے فیصلے بلوچستان میں ہی ہونگے خوشحالی امن و ترقی ہمارا نصب العین ہے ترقی کے عمل میں نوجوانوں خواتین اور اقلیت سمیت تمام طبقات کی شرکت پائیدار ترقی کی ضامن ہے ان خیالات کا اظہار انہوں نے وحدت کالونی حلقہ پی بی 29 میں کارنر میٹنگ سے خطاب کرتے ہوئے کیاتقریب کے دوران آزاد امیدوار مجیب ترین نے دستبردار ہوکر بی اے پی کے امیدوار سعید احمد ہاشمی کی حمایت کا اعلان کیا۔ اس موقع پر بی اے پی کے سیکرٹری اطلاعات چوہدری شبیر احمد اور دیگر پارٹی رہنماء بھی موجود تھے سعید احمد ہاشمی نے کہا کہ تبدیلی کا محور ہمارے جوان ہیں جنہوں نے مستقبل کی درست سمت کا تعین کرتے ہوئے ملک کی ترقی و خوشحالی کے لیے پوری توانائی کے ساتھ کام کرنا ہے ہم ان کی رہنمائی کے لیے ان کے شانہ بشانہ کھڑے ہیں بلوچستان نفرتوں اور لسانیت پر مبنی سیاست کا مزید متحمل نہیں ہو سکتا ہمیں تمام تر اختلاف کو بالا طاق رکھتے ہوئے ایک صحت مند تعلیم یافتہ امن پسند معاشرے کی تشکیل کے لئے کام کرنا ہے سی پیک ترقی کا وہ راستہ ہے جس کے مواقعوں سے بہرا مند ہونے کے لیے ہمیں خود کو تیار کرنا ہوگا ہمارے جوانوں کو صرف سرکاری ملازمتوں پر انحصار نہیں کرنا بلکہ اپنی صلاحیتوں کی استعداد کار کو بڑھاتے ہوئے دور جدید کے تقاضوں کا مقابلہ کرنا ہے بلوچستان عوامی پارٹی روایتی سیاسی جماعتوں کی طرز پر وقتی ریلیف نہیں بلکہ ایسی پائیدار ترقی کا ویڑن رکھتی ہے جس کے ثمرات عارضی نہیں بلکہ مستقل ہوں عوام کی جوق در جوق بی اے پی میں شمولیت ہمارے اس ویڑن کی حمایت کا اعتماد ہے انہوں نیکہا کہ بلوچستان میں عام انتخابات میں بلوچستان عوامی پارٹی بھر پور کامیابی حاصل کر کے حکومت سازی کی مستحکم پوزیشن میں ہوگی