عوام کو جھوٹے وعدوں سے بہلانے کا وقت گزرچکا ،اختر مینگل

عوام کو جھوٹے وعدوں سے بہلانے کا وقت گزرچکا ،اختر مینگل

• July 11, 2018, 10:53 pm
• National News
• 77 Views

اوتھل(نامہ نگار) بلوچستان نیشنل پارٹی کے سربراہ سردار اختر جان مینگل نے کہا ہے کہ اب وہ وقت نہیں رہا جب عوام کو محض جھوٹے وعدوں سے بہلایا جاسکے اہل بلوچستان سیاسی شعور کے حامل ہیں اور انہوں نے بلوچستان نیشنل پارٹی کو مستحکم کرنے کا عہد کر رکھا ہے آنے والا وقت بلوچستان نیشنل پارٹی کی کامیابی کا ہے جو اہل بلوچستان کو حق حکمرانی دلائے گی شدید گرمی میں جس طرح عوام بلوچستان نیشنل پارٹی کی سیاسی جہد میں شانہ بشانہ ہیں اس پر میں اپنی عوام کا بے حد مشکور ہوں ان خیالات کا اظہار انہوں نے لسبیلہ اور اوتھل میں کارنر میٹنگز اور جلسہ عام سے خطاب کرتے ہوئے کیا سردار اختر جان مینگل نے کہا کہ لسبیلہ کا درجہ حرارت 38 سینٹی گریڈ سے زائد ہے مگر عوام کی ایک بڑی تعداد بلوچستان نیشنل پارٹی کی سیاسی سرگرمیوں میں شریک ہیں جو اس بات کی غمازی کرتا ہے کہ لسبیلہ سمیت بلوچستان بھر کی عوام نے بلوچستان نیشنل پارٹی کو انتخابات میں بھرپور کامیابی کو یقینی بنانے کا عزم کر رکھا ہے میں اپنے عوام کی اس مخلصی اور عظیم جذبہ کو سلام پیش کرتا ہوں انہوں نے کہا کہ 2018ء کے انتخابات میں ہمیں مشترکہ جہد کے ذریعے ایک ایسی حکومت کی تشکیل کے لئے کاوشیں کرنا ہونگی جو اہل بلوچستان کی طرز زندگی کو ان سہولیات سے آراستہ کیا جاسکے جس سے ہمیشہ انہیں محروم رکھا گیا ہے یہی بلوچستان نیشنل پارٹی کی سیاسی جہد کا محور ہے ہم ہمیشہ اپنی عوام کے لئے آواز بلند کی اور اس کے لئے نہ تو کبھی مصلحت کا شکار ہوئے اور نہ ہی ایوانوں کی نرم نشستیں ہمیں اپنے عوام کے مفادات سے دستبردار کر سکیں بلکہ بلوچستان نیشنل پارٹی ہر کارکن خود کو اہل بلوچستان کے حقوق کا محافظ سمجھتا ہے انہوں نے کہا کہ 25 جولائی کو عوام نے نہ صرف اپنا حق رائے دہی استعمال کرنا ہے بلکہ بلوچستان نیشنل پارٹی کی کامیابی کو بھی یقینی بنانا ہوگا کیونکہ بی این پی کامیابی کے پیچھے عوام کی کامیابی مضمر ہے ۔